„ЦРВЕНОТО МОРЕ ЌЕ БИДЕ ГРОБНИЦА НА СОЈУЗНСКИТЕ БРОДОВИ“: Хутите се закануваат дека ќе ја потонат флотата предводена од Америка
Бунтовниците Хути во Јемен, поддржани од Иран, се заканија дека ќе ги „потонат“ американските и воените бродови на западните сојузници и рекоа дека ќе го претворат Црвеното Море во нивни „гробишта“.
Бизнис инсајдер наведува дека оваа закана дошла во време кога поморските сили предводени од Америка продолжуваат да ги спречуваат нападите извршени од овие екстремисти на тој важен морски пат.
– Во состојба сме да ја потонеме вашата флота, вашите подморници, вашите воени бродови – рекол неименуван висок функционер на Хуту, а пренесува иранската агенција Тасним.
Лојд Остин, американскиот секретар за одбрана, во понеделникот го објави започнувањето на операцијата Просперитет Гардијан, чија цел е да се спротивстави на нападите на Хутите врз трговските бродови во Црвеното Море, кои веќе предизвикаа голем број бродски компании да ги пренасочат своите бродови на други рути.
Шефот на Пентагон рече дека во оваа коалиција на чело со Америка се и Обединетото Кралство, Бахреин, Канада, Франција, Италија, Холандија, Норвешка, Сејшелите и Шпанија.
Остин рече дека нападите на Хуту во Црвеното Море претставуваат „меѓународен предизвик кој бара колективна акција“.
Се потсетува дека во изминатите два месеци, Хутите лансираа голем број беспилотни летала и проектили врз комерцијални бродови што пловеа долж брегот на Јемен, како и дека воените бродови на САД, како и американските сојузници Франција и Обединетото Кралство, постојано ги соборуваше тие проектили.
За само еден ден во саботата, американските и британските поморски сили пресретнаа повеќе од десетина беспилотни летала кои доаѓаа од областите под контрола на Хутите во Јемен.
Се вели дека Хутите ги засилија нападите во Црвеното Море од 7 октомври и почетокот на војната меѓу Израел и Хамас.
Хутите ветија дека ќе продолжат да ги гаѓаат бродовите поврзани со Израел, дури и оние кои само патуваат до израелските пристаништа, како поддршка на Хамас.
