ЦРНА ГОРА ЖАЛИ ЗА ЗАГИНАТИТЕ: Во моментот на масакрот во Цетиње имало најмногу девет полицајци

На денот кога се случи масакрот во црногорскиот град Цетиње имало само девет полицајци. 

Во моментот кога е пријавено дека имало пукање во кафуле во Цетиње и дека има неколку ранети, во градот имало најмногу девет полицајци. Полицијата тврди дека добила погрешна адреса, дека отишле на друга локација, а за тоа време мажот уби 12 луѓе. 

Кога завчера во 17 часот и 26 минути е пријавено во полиција дека имало пукање во кафуле во Цетиње, ангажирани се три полициски патроли, оперативен инспектор, дежурен и дежурен старешина, изјави в.д. на Полициската управа Лазар Шќепановиќ.

45-годишниот Ацо Мартиновиќ го почнал масакрот во кафеаната Велестово. До 17:24 часот ги убил Бранислав Мудреша (60), Радомир Марковиќ (70), Милош Мартиновиќ (39) и Мирко Вулетиќ (45), а ранил тројца: М.В. (1984), А.М. (1983) и Д.К. (1985).
Во 17:26 часот полицијата добила дојава за пукање, но поради нецелосни информации испратила патроли на погрешна локација, во Бајице. Кога стигнале таму, убиецот веќе бил во населбата Хумци.

Во Црна Гора е Ден на жалост. Недела е прогласена за Ден на жалост и во Србија поради масакрот.