ЧУДО – БЕБЕ ИЗВЛЕЧЕНО ОД ПОД УРНАТИНИ ВО ГАЗА! Израелците ги гранатираа зградите: Се стравува дека се затрупани 1.000 луѓе!
Во истиот воздушен напад загинаа 20 луѓе, а 55 беа повредени, изјави портпаролот на Министерството за здравство под контрола на Хамас.
Спасувачите во градот Рафа, на југот на Газа, извлекоа бебе од урнатините по израелски воздушен напад, јавува Би-Би-Си.
Луѓето со раце ја ископале Маријам Абу Акел од под урнатините, пред спасувачот да ја однесе во блиската болница. Докторите таму ги лекувале нејзините исеченици. Бебето било дома со своето семејство кога се случил нападот во кој биле убиени нејзината мајка и сестра, објави Ројтерс. Нејзиниот татко и помалиот брат преживеале.
Во истиот воздушен напад загинаа 20 луѓе, а 55 беа повредени, изјави портпаролот на Министерството за здравство под контрола на Хамас.
Повеќе од 21.500 луѓе – главно деца и жени – се убиени за време на одмаздничките напади на Израел врз Газа, според Министерството за здравство под контрола на Хамас, јавува Би-Би-Си. Се верува дека уште илјадници се затрупани под урнатините на зградите уништени од воздушни и артилериски напади.
