Четврти пат по ред, Украина ќе биде дел од европската елита (ВИДЕО)

Украинците по пресврт славеа со 2-1 и четврти пат по ред ќе бидат дел од европската фудбалска елита. Најголемиот успех го остварија на претходниот шампионат, кога во групата за противник ја имаа и Македонија, а потоа стигнаа и до четвртфиналето.

Исланд го отвори резултатот на вечерашниот натпревар што се играше во Вроцлав. Гудмундсон погоди во 30. минута и неговата репрезентација се наоѓаше во предност до 54. минута кога Циганков израмни на 1-1. Херој на Украина е Михајло Мудрик кој ја донесе победата на десетина минути пред крајот на натпреварот.

На Европското првенство во Германија, Украина ќе игра во групата Е, заедно со Белгија, Словачка и Романија.