Четири години по разорниот земјотрес, во Драч и натаму луѓе без нови домови

Четири години по разорниот земјотрес што го погоди Драч, продолжува процесот на реконструкција. Многу семејства успеаја да влезат во нови станови, додека други 2.400 се без дом и со месеци немаат државен бонус за кирија. Ова на некои од нив им предизвика економски и социјални проблеми и тие беа принудени да се вратат во несанирани или недовршени станови каде што се чувствуваат небезбедни, објави албански Топ Чанел.

„Има простор за радост, само идејата дека се враќате во вашиот дом, но кога ќе поминете една недела качувајќи се по скали со деца, со торби во раце, нема многу простор за радост кога ќе се соочите со реалноста. Примеот на зградата не може да се направи без да се изгради лифтот и да не се постават оградите на скалите. Безбедноста е нула. Таму живееме и тоа е голем проблем, но сфативме дека кириите се превисоки и повеќе не можеме да си ги дозволиме. Од март го немаме добиено бонусот“, рече жител кого телевизијата го затекнала.

Во Драч земјотресот зад себе остави 24 жртви, приближно 8 илјади оштетени објекти, илјадници семејства без засолниште и ученици без училишта. Над 1.000 објекти беа одбрани за санирање. Некои пропаднаа, други чекаат. И додека дел од училишните згради се реконструирани, други, вклучително и главните гимназии во градот, се во процес. 

Зградите со мала до умерена штета (DS1-DS3) се поправени, но многу од посериозно оштетените остануваат на чекање. Има 96 објекти кои Градежниот институт ги прогласи за ненаселени, со ниво на оштетување ДС4. Другите DS5 чекаат да бидат урнати.