ЧЕТИРИ БЕБИЊА ВО БЕЛГРАД ПОЧИНАА ОД ГОЛЕМА КАШЛИЦА: Д-р Вукомановиќ „Се зголемува бројот на деца со тешка клиничка слика“

Четири бебиња починаа од голема кашлица на Институтот за мајки и деца во Белград, едното дете е на вентилатор, што значи дека е многу ранливо, а половина од децата кои боледуваат од оваа болест се хоспитализирани. Вакцината е единствениот начин да се спречи болеста.

– За жал, малите деца, доенчињата до 4 месеци може да развијат многу тешка клиничка слика, која кај нас заврши со смрт на четири деца – кажа проф. д-р Владислав Вукомановиќ, кардиолог и управител на клиниката за детски болести при Институтот за здравствена заштита на мајки и деца на Србија „Д-р Вукан Чупиќ“.

– Има околу 70 деца со голема кашлица, половина од нив се хоспитализирани и тоа укажува на зголемување на децата со тешка клиничка слика – вели д-р Вукомановиќ.

Цената на недоволната вакцинација се плаќа со животот на децата

Имунизацијата е задолжителна и започнува во вториот месец од животот и не треба да има никаква бариера за правилно вакцинирање на децата, посочува д-р Вукомановиќ.

– Нема подобра одбрана од вакцинацијата. Календарот треба да се почитува, контраиндикациите не треба да бидат пречка за вакцинација кога е препишана. Цената на непочитувањето е смртта на овие деца, како и зголемениот број на заболени, тоа секако се должи на недоволната вакцинација и на старите лица – вели д-р Вукомановиќ.

– Мислам дека Министерството за здравство веќе реагираше и дека упатството како да се спроведе вакцинацијата кај тие деца штотуку е донесено и ќе почне да се спроведува во пракса – вели д-р Вукомановиќ.

Četiri bebe preminule su od velikog kašlja u Beogradu!

I ne, ovo nije vest od pre 100 godina već od danas sa Instituta za majku i dete.

Veliki kašalj se vratio, jer su neki genijalci pokrenuli kampanju protiv vakcinacije.

Sada umiru bebe koje nisu ni u uzrastu za tu vakcinu.

— Aleksandar Radovanović (@Aledar989) January 31, 2024

Воедно докторот укажа и на други заболувања кои се шират низ соседна Србија.

– Присутен е бронхиолитис предизвикан од респираторен синцицијален вирус. Потоа, постојат многу други вируси кои можат да предизвикаат пневмонија, бронхитис и бронхиолитис. А кај училишните деца, не мал број на случаи, кои прават посета на нашето одделение за интензивна нега, гледам деца со одводи, школски деца кои имаат пневмококна пневмонија со излив или дури и гнојни изливи и многу тешка клиничка слика – вели д-р Вукомановиќ.

Фото: Принтскрин/Твитер