Чавков ослободен од понатамошно издржување на казната
Основниот кривичен суд Скопје донел одлука за условен отпуст на осудениот Митко Чавков, со што тој се ослободува од понатамошно издржување на затворската казна под утврдени законски услови.
Одлуката е донесена од страна на кривичниот совет на 23 февруари 2026 година, по предлог на директорот на Казнено-поправната установа Штип.
Според образложението на судот, Чавков ги исполнува законските услови за условен отпуст, имајќи предвид дека има издржано една третина од изречената затворска казна. Како дополнителни причини се наведуваат неговата влошена здравствена состојба, како и процесната усогласеност со останатите осудени лица во истиот кривичен предмет, за кои претходно веќе се донесени правосилни одлуки за условен отпуст.
Со оваа одлука, судот оценил дека се исполнети законските критериуми за прекин на понатамошното издржување на казната под услов.
