Чаир со две победи до историски успех – пласман во осминафиналето на Европскиот куп

Двата меча се одиграа во Скопје, вчера и денеска, а чаирчанки ги добија со вкупно шест гола разлика. По вчерашниот триумф со 29-25, денеска славеа и со 28-26 за најголем успех во клупската историја.

Триумфот на македонскиот тим во ниеден момент не беше доведен во прашање, во 13. минута беше 7-4, а на полувреме се замина со 14-9, резултат кој заедно со победата од вчера му донесе на Чаир предност од вкупно девет разлика. Се беше готово на десетина минути пред крајот кога нашиот прволигаш поведе со 24-16 по што следуваше мало опуштање и тоа го искористија Португалките за да го ублажат поразот.

Стефанија Ѓорѓиевска со 10 гола беше најефикасна во тимот на Чаир, Теодора Дукоска постигна 7, а Гуличоска и Дамческа по три.