Централната банка на ЕУ за прв пат во загуба по 20 години

Централната банка на земјите на ЕУ од еврозоната ја објави својата прва годишна загуба од 2004 година, што се должи на големите исплати поради повисоките каматни стапки.

ЕЦБ соопшти дека очекува дополнителни загуби во текот на следните неколку години но со уверување дека тоанема да влијае на „нејзината способност да води ефективна монетарна политика“, пред да се врати на одржливиот профит.

Централната банка ги повлече каматните стапки од негативната територија на рекордни 4 отсто меѓу јули 2022 година и септември 2023 година, како одговор на зголемената инфлација по пандемијата „Ковид-19“ и делумно губење на пристапот до руската енергија по нејзината инвазија на Украина.

Институцијата претрпе зголемени каматни расходи за клучните обврски, додека приходите од камати на средствата не одржуваат темпо, бидејќи многу од нив се со фиксна камата или имаат долг рок на доспевање, се вели во извештајот.