ЦЕНОВНИ ШОКОВИ ПОРАДИ ВОЈНАТА НА БЛИСКИОТ ИСТОК: Цените во Европа вртоглаво растат

Никола Сенеши, економист, истакнува дека Блискиот Исток нема
толку големо влијание во производството на нафта, но и дека потенцијалниот
конфликт меѓу Саудиска Арабија и Иран може драстично да ја наруши економијата.

– Нафтата скокна за 10 проценти за два дена, но не верувам дека ќе ја надмине цената од 100
долари за барел. Блискиот Исток нема толку големо влијание во производството на
нафта, само околу 20 проценти. Америка го зголеми производството, а најголемо
производство имаат Русија и Казахстан. Ако повторно се зголемат тензиите меѓу
Саудиска Арабија и Иран, тоа може драстично да ја наруши економијата – рече
Сенеши.

Тој додава
дека светот е во комплициран економски момент.

– Мислам дека Израел нема сила за повеќе фронтови. Иран
сериозно ги испровоцира со ракетни напади, а израелската армија има тешка
задача во Либан. Светот е во комплициран економски момент. Очекувам подрастични
проблеми со снабдувањето со гас во Европа. Верувам дека кај нас нема да има
никаков ризик и дека нема да има некое големо поскапување. Америка само крева
тензии, бидејќи нивната економија се базира на воената индустрија. И покрај се,
гледаме намалување на инфлацијата во светот – заклучи Сенеши.