Цените на јајцата „се сопнаа“, табла сега се купува и за 270 денари

По долгиот период на високи цени кои го оптоваруваа домашниот буџет, на полиците во маркетите конечно се забележува значително поевтинување на јајцата.

Доколку до пред само некое време цената за една табла (30 јајца) ги пробиваше „психолошките граници“ и се продаваше за над 300 денари, денес сликата е поинаква.

Според она што може да се забележи на терен, цената за пакување од 30 јајца (класа М) сега изнесува 269 денари. Ова е сериозен пад во однос на претходниот период, што претставува добредојдено олеснување за потрошувачите, особено по серијата поскапувања на основните прехранбени производи.

За оние кои претпочитаат помали пакувања или специфичен начин на одгледување, изборот е исто така голем:

Иако падот на цените е видлив, купувачите во маркетите коментираат дека секој денар заштеда е важен.

„Конечно малку да здивнеме. Табла јајца за 270 денари е многу поприфатливо отколку кога беше над 320. Се надеваме дека овој тренд ќе продолжи и кај другите млечни и месни производи,“ вели купувач.

Останува да се види дали ова намалување е резултат на моменталната понуда на пазарот или пак најава за постабилни цени во претстојниот период. Засега, трговците ги полнат полиците, а граѓаните ги користат пониските цени за да ги пополнат своите фрижидери.