Цената на нафтата продолжува да расте
Цените на нафтата пораснаа во почетокот на денешното тргување бидејќи инвеститорите беа охрабрени од зголемувањето на индустриската активност во Кина, вториот најголем потрошувач на нафта во светот, истовремено стравувајќи дека проблемите со снабдувањето од Ирачки Курдистан ќе продолжат, објави Ројтерс.
Фјучерсите на северноморскиот брент додадоа 15 центи, или 0,19 отсто, на 79,42 долари за барел.
Американската лесна сурова нафта поскапе за 17 центи, или 0,23 отсто, на 74,54 долари за барел.
Индустриската активност во Кина во март се зголеми помалку отколку во февруари, но сепак повеќе од очекуваното од економистите интервјуирани од Ројтерс. Токму оваа активност во голема мера ја одреди насоката на нафтените пазари во последниве месеци откако Кина ги прекина ограничувањата против Ковид.
Нафтата е на пат да ја заврши втората недела на добивки, откако претходно се задржуваше, па дури и падна под притисок од загриженоста дека на пат е нова банкарска и финансиска криза. Спасувањето на две банки – во САД и Швајцарија, сепак, досега ги отфрли овие грижи.
