Цената на нафтата повторно се зголемува
Цените на нафтата пораснаа минатата недела, втора недела по ред, поради шпекулациите дека Организацијата на земјите извознички на нафта и нејзините сојузници (ОПЕК+) би можеле дополнително да го намалат производството бидејќи растот на западните економии забавува.
Цената на барелот на лондонскиот пазар се зголеми за 1,7 отсто на 76,95 долари, додека во Њујорк цената на барелот се зголеми за 1,6 отсто на 72,67 долари, пренесува Хина.
Цените се зголемија втора недела по ред по пораките за снабдување од врвните производители пред редовниот состанок на ОПЕК и неговите сојузници за повторно разгледување на производната политика.
Во април, ОПЕК + одлучи да го намали производството за дополнителни 1,16 милиони барели дневно за да ги балансира цените, а саудискиот министер за енергетика ја подигна прашината минатата недела велејќи дека трговците кои шпекулираат за падот на цените повторно би можеле да бидат на непријатно изненадување.
