ЦЕЛА БУГАРИЈА НА НОЗЕ: Фрчат дојави за бомби од сите страни,на само пет дена пред избори

Десетици училишта и бизнис универзитет во Софија беа затворени вчера поради закани за бомби, само пет дена пред одржувањето на парламентарните избори во земјата. Обвинителите во бугарската метропола соопштија дека започнале истрага за „криминални дела против републиката“.

Во полициската истрага не се пронајдени експлозивни направи во училиштата кои од понеделникот добиваат закани по електронска пошта или телефонски.

Вршителот на должноста министер за внатрешни работи Иван Демерџиев рече дека властите дејствуваат врз основа на претпоставката дека заканите се дел од „хибридни напади“ кои некако би можеле да се поврзат со Русија.

Побараа помош од САД и ЕУ

Бугарија се обрати до истражните органи во Европа и САД за помош во следењето на е-поштата, рече Демерџиев. Многу избирачки места на изборите во недела ќе бидат лоцирани во училиштата низ државата.

Демерџијев рече дека изборите ќе бидат прекинати само во случај на реална закана. Тој нагласи дека досега од добиените информации не произлезе реална закана.