Таван ѝ паднал на ученичка од Битола додека била во училишниот тоалет
Утринава една ученичка од Средното медицинско училиште „Д-р Јован Калаузи“ во Битола била повредена откако врз неа паднал таванот од тоалетите.
Од општината велат дека директорката подоцна, на прашање на битолскиот градоначалник Тони Коњановски да потврди, рекла дека при падот на таванот била незначително повредена една ученичка.
„Директорката на средното медицинско училиште Наташа Илиева претпладне ја извести Општината дека утрово во 8 часот паднал таванот во училишните тоалети, за подоцна, Илиева на прашање од градоначалникот да потврди дека при падот на таванот била незначително повредена ученичка од училиштето. Градоначалникот Коњановски формира општинска комисија со која извршија увид во училиштето, со цел констатирање на состојбата. Директорката информираше дека тоалетите пред неколку години беа реконструирани со донација, а последниве денови биле воочени проблеми на горниот кат, проследени со извесно прокапување“, соопшти Општината.
Била формирана општинска комисија која извршила увид во училиштето, со цел да ја констатира состојбата. При извршениот увид, директорката Илиева информирала дека тоалетите пред неколку години бил реконструирани со донација, а последниве денови биле воочени проблеми на горниот кат, проследени со извесно прокапување.
