Бугарите од Македонија до Вархеи: Очекуваме дијалог меѓу нас и властите во РСМ
„Повеќе од 2 години се обидуваме да водиме дијалог со властите во РСМ, но безуспешно. На комесарот Оливер Вархеи му кажавме дека сме тука затоа што нема дијалог меѓу претставниците на властите во РСМ и Бугарската заедница во земјата. Иднината на Македонија е во ЕУ, но тоа не може да биде на сметка на Бугарите кои живеат во земјата“, велат Петар Колев, Георги Трендафилов и Љубчо Георгиевски за БГНЕС.
Според нив, Парламентот во Македонија наместо да работи на измени за вклучување на Бугарите во Уставот со цел побрзо отпочнување на преговорите со ЕУ, донесува законска регулатива со цел затворање на клубовите на локалните Бугари во РСМ.
„Очекуваме во следниот ИК извештај за напредокот на РСМ да ги вклучи прашањата за кои разговаравме на оваа средба“, велат тројцата.
Средбата ја побараа бугарските организации на 2 декември, откако еврокомесарот во ноември во интервју вети дека ќе ги прифати доколку му се обратат.
