Бугари нудат 300 евра на Македонци ако презимето го променат во ОВ или ЕВ
Виктор Стојанов лицето кое има забранет влез во Македонија, вечерва на друштвената мрежа Фејсбук со нова провокација. Тој нуди на семејства од Македонија да го променат презимето и наместо вски, да завршуваат на Ов или Ев.
На пример: Петар Петревски да биде Петар Петров.
„Кампања за жителите на Северна Македонија со бугарско потекло: „Вратете го вашето презиме во Ов/Ев и добијте 300 евра! Контактирајте ја Фондацијата Македонија“, пишува во објавата.
Претходно Стојанов објавуваше и статистики од наводни медиуми под бугарска контрола во Македонија, но никогаш не соопшти кои се тие.
На последниот попис пред месец во Албанија, тој одеше и агитираше со цел Македонците од таму да се пишуваат како Бугари. Снимаше дури и малолетници, терајќи ги да изговорат дека се Бугари, а делеше и учебници на бугарски јазик. Потоа наши здруженија во Албанија побараа од државата Виктор Стојанов да добие забрана за влез и во Република Албанија.
Поради вакви и слични активности на Стојанов, тој има забрана за влез во нашата држава.
