Бугарија конечно доби нова влада, Жељазков нов премиер

Коалицијата на ГЕРБ-СДС,БСП и „Ива таков народ“ изгласа нова редовна влада на Бугарија со 125 пратеници „за“, наспроти 114 против, додека воздржани немаше.За премиер е изгласан Росен Жељасков од ГЕРБ-СДС.

Со тоа, по многу обиди во изминатите четири години, седум изборни циклуси, и два и пол месеци по последните парламентарни избори, Бугарија доби редовна политичка влада.

Во новиот владин кабинет, коалицијата ГЕРБ-СДС има 11 министри, БСП – Обединета левичарска партија пет, а Има таков народ ќе има четворица. Жељазков и новите министри веднаш по изборот положија заклетва.

„Бугарија мечтаеше за редовна влада која спроведува политики што ја подржуваат демократијата,  владеењето на правото, конкурентноста на нашата економија, безбедноста, одбраната и социјалните права на граѓаните, бидејќи земјата веќе подолго време е во политичка криза, криза на недоверба,што може да се надмине само со елиминирање на системските предуслови за неказнивост и „злоупотреба на власта“, рече Жељазков.

Состав на новата Влада на Бугарија:

Премиер – Росен Жељазков;

Вицепремиер и министер за иновации и раст – Томислав Дончев

Вицепремиер – Атанас Зафиров

Вицепремиер и министер за транспорт и врски – Гроздан Караѓов

Министерка за финансии – Теменужка Петкова

Министер за внатрешни работи – Даниел Митов

Министер за надворешни работи – Георг Георгиев

Министер за регионален развој и јавни работи – Иван Иванов

Министерот за труд и социјална политика – Борислав Гуцанов

Министер за одбрана – Атанас Запријанов

Министер за правда – Георги Георгиев

Министер за образование и наука – Красимир Валчев

Министер за здравство – Силви Кирилов

Министер за култура – ​​Маријан Бачев

Министер за земјоделство и храна – Георги Тахов

Министер за животна средина и води – Манол Генов

Министер за економија и индустрија – Петар Дилов

Министер за енергетика – Жечо Станков

Министер за е-Влада – Валентин Мундров

Министер за туризам – Мирослав Боршош

Министер за млади и спорт – Иван Пешев.