Будно се следи состојбата меѓу Иран и Израел, вели Мицкоски
Премиерот Христијан Мицкоски денеска во однос на случувањата меѓу Иран и Израел истакна дека владата будно ја следни безбедносната состојба.
„Има кризен штаб во МНРиНТ, се следи будно состојбата преку извештаите кои што ги добиваме преку службени канали, така што не би коментирал повеќе од ова што го кажав“, изјави Мицкоски.
Вчера, од Министерството за надворешни работи и надворешна трговија апелираа до сите македонски државјани кои се наоѓаат на територијата на Израел и Иран да ги следат националните портали за итни случаи и строго да постапуваат согласно упатствата на надлежните институции. Исто така, упати апел до сите македонски државјани да се воздржат од какви било патувања кон земјите од овој регион, до подобрување на безбедносната состојба.
