Британската Влада одби со закон да забрани удирање на деца

ВЛАДАТА на ОК ги отфрли повиците за незаконско удирање деца во Англија. Многумина повикаа оваа форма на злоупотреба на деца да биде забранета во таа земја.

Имено, физичкото казнување на децата е забрането во Велс, Шкотска и Џерси. Добротворните организации апелираа Англија да ја следи нивната практика, пишува Би-Би-Си.

Додека владата потврди дека нема да го промени својот став, портпаролот на Министерството за образование рече дека „не одобрува никакво насилство врз децата и дека постојат јасни закони за да се спречи тоа“.

Сер Питер Ванлес од NSPCC (Националната фондација за спречување на суровост кон децата) рече: „Не е во ред што е нелегално во оваа земја да се удира возрасен, но еднаква заштита не им се дава на децата. Мораме да ја ставиме благосостојбата прво на децата и престанете со оваа аномалија“.

Според истражувањето на речиси 3.000 луѓе постари од 18 години, две третини (68 проценти) се изјасниле дека се против физичкото казнување на децата.

Истражувањата покажаа дека физичкото казнување често го влошува однесувањето на детето. Според трудот објавен во The Lancet, кој ги разгледа резултатите од 69 студии на оваа тема, „физичкото казнување не е поврзано со никакви позитивни резултати за децата и го зголемува ризикот дека децата ќе доживеат сериозна злоупотреба или запоставување“.