Борусија со трета по ред победа по паузата го прескокна тимот на нашиот Елмас (ВИДЕО)

„Милионерите“ уште во седмата минута дојдоа до водство со голот на Фулкруг од пенал, за пред крајот на полувремето Шлотерберг со автогол да му донесе неочекувано изедначување на гостинот. Неизвесноста околу победникот траеше до средината на вториот период, кога Фулкруг со својот втор гол во 72. минута го донесе посакуваното водство за домашниот тим, а истиот фудбалер во судиското продолжение го комплетира својот хет-трик со што го потврди триумфот за составот од Дортмунд. За него ова беше 18. погоден пенал по ред во сите натпреварувања, а во целата кариера има неверојатни 27 погодени шута од белата точка со само две промашувања.

Борусија со оваа победа се искачи на четвртата позиција на табелата во Бундеслигата со 36 бодови, прескокнувајќи го Лајпциг на нашиот Елиф Елмас, кој сега со три бода помалку е на првата позиција надвор од тимовите кои во моментов се на местата што водат во Лигата на шампионите.