Богатството на 5-те најбогати луѓе во светот е двојно зголемено од 2020 година
Американските милијардери, од кои многумина го црпат своето богатство од капиталот на компаниите што ги водат, се побогати за 1,6 трилиони долари во 2024 година
Петте најбогати луѓе на планетата последниве години станаа уште побогати. Од 2020 година, нето вредноста на овие милијардери вртоглаво се зголеми за 114 отсто на вкупно 869 милијарди долари (приспособувајќи се за инфлацијата), според годишниот извештај за нееднаквоста на Оксфам, објавен во неделата.
Ако продолжат сегашните трендови, светот би можел да го добие својот прв трилионер по една деценија.
Во исто време, речиси 5 милијарди луѓе ширум светот станаа посиромашни бидејќи се борат со инфлацијата, војната и климатската криза. Ќе бидат потребни речиси 230 години за да се елиминира сиромаштијата која е моментално присутна, пишува Си-Ен-Ен врз основа на извештај кој „се потпира“ на податоците собрани од Форбс.
Инаку, овој Извештај е темпиран да „се поклопи“ со почетокот на годишниот состанок на Светскиот економски форум во Давос, Швајцарија, кој започна денеска.
– Иако нееднаквоста е во пораст, има некои светли точки – рече Набил Ахмед, директор за економска и расна правда во Оксфам Америка.
Работниците, вели тој, ги свиткале мускулите преку штрајкови и договори кои им ги подобриле надоместоците и условите за работа. Исто така, некои влади беа на нивна страна, кои на прв план ги ставаа политиките насочени кон зајакнување на правата на работниците.
– Се најдовме во ново позлатено време, но работниците, регулаторите и синдикатот и локалните организатори почнуваат да прават пукнатини во него – рече Ахмед.
Илон Маск, кој раководи со неколку компании, меѓу кои и Tesla, SpaceX и Platform X (Twitter), е неприкосновен лидер на групата најбогати во последните години. Неговото богатство скокна на 245,5 милијарди долари на крајот на ноември, што е за 737 отсто повеќе отколку во март 2020 година.
Бернар Арно, претседател на францускиот гигант за луксузни стоки LVMH, и неговото семејство имаа нето богатство од 191,3 милијарди долари, што е повеќе од 111%.
