БИТКОИНОТ СЕ БЛИЖИ ДО НЕВЕРОЈАТНИТЕ 100.000 ДОЛАРИ: Цените на нафтата потонаа
На вчерашниот состанок, ОПЕК+ одлучи да го зголеми
производството на нафта за 411.000 барели дневно почнувајќи од јуни, што е исто
како и во мај. Голдман Сакс предвидува дека просечната цена на Брент ќе биде 63
долари за барел од 159 литри оваа година и 58 долари следната година. Златото
падна втора недела по ред, додека биткоинот ги „имитираше“ технолошките акции и
се стрча кон 100.000 долари.
Во петокот попладне, цената речиси достигна 98.000 долари,
највисоко ниво од 21 февруари. Уделот на биткоинот во вкупната пазарна
капитализација на криптовалутите сега изнесува речиси 65 проценти, што е
највисоко од јануари 2021 година. Ова ги поттикна шпекулациите за тоа дали сè е
подготвено за сезоната на алткоини.
