Бектеши: Задолжителното средно образование му прави штета на пазарот на труд
Министерот за економија, Крешник Бектеши, кој беше говорник на панелот на тема „Улогата на градежништвото во економскиот развој на државата“ во рамки на Конференцијата за патна инфраструктура, на која дел од панелот беа и присутни и универзитетски професори, нагласи дека навистина треба сериозно да се размислува, во интерес на економијата, доколку средното образование треба да биде задолжително кај нас.
„Мораме искрено да кажеме дека сите се соочуваме со исти проблеми и навистина мора да почнеме да правиме избор кој ќе има корист за економијата во целина. Зборуваме за невработеност од 13 или 14%, ако ја погледнете структурата на невработените ќе забележите дека се фиктивни бројки, само ако ја погледнете структурата без да навлегувате во детали, додека целата економија се соочува со недостаток на работна сила, да не зборуваме и за тоа колку се квалификувани и подготвени да влезат на пазарот на труд кај нас“ – рече Бектеши.
Исто така, министерот Бектеши додаде дека Министерството за образование, економските ресори, вклучително и Стопанската комора, треба сериозно да размислат дали да продолжиме со задолжителното средно образование или целосно да го смениме делот што ќе биде во интерес на стопанството.
„Во принцип, можеби тој момент не е во интерес на родителите, но среднорочно и долгорочно, убеден сум дека тоа ќе биде во интерес на државата“, порача министерот.
