„Бараа дали сме носеле бомби“ – Полицијата утрово ги проверуваше автомобилите на родителите на загинатите од Кочани
Полицијата утрово спроведе детални проверки на возилата на паркингот пред судницата меѓу кои и на родителите на загинатите деца во трагедијата во Кочани. Дополнително, денешното рочиште беше прекинато бидејќи на еден од обвинетите му се влоши здравствената состојба.
Родителите на жртвите беа видно вознемирени од, како што велат, неочекуваниот третман од страна на полициските службеници. Еден од родителите за 4NEWS.mk го опиша моментот на претресот:
Од Министерството за внатрешни работи ни ја потврдија акцијата, наведувајќи дека станува збор за безбедносни проверки.
Покрај тензиите надвор, проблеми имаше и внатре во судницата. Иако за денеска беше предвидено да бидат сослушани петмина сведоци, процесот мораше да биде прекинат.
Причината за одложувањето е влошената здравствена состојба на еден од обвинетите, на кого му се слошило за време на рочиштето. Поради ова, последниот сведок не успеа да го даде својот исказ и ќе биде дополнително сослушан на следното рочиште.
