БАНКАРСКИТЕ АКЦИИ СЕ „МЕЛЕМ“ ЗА ИНВЕСТИТОРИТЕ – на Берзата поминаа три блока со хартии од вредност на двете најголеми банки
Деновиве на Берзата се повторно актуелни блок трансакции со акциите на банките, при што поминаа блокови со акции на двете најголеми банки во земјава, односно Стопанска банка Скопје и Комерцијална банка.
Блоковите не се големи, што говори дека целта на инвеститорите е или инвестиција во акции за дивиденда, или за остварување на капитални добивки, или едноставно влог во силни и стабилни акционерски друштва.
Завчера помина блок трансакција со акции на Стопанска банка Скопје, при што беа продадени 1.291 акција по цена од 3.200 денари за акција, што значи дека во еден наврат на однапред познат купувач му беа продадени акции за сума од над 67 илјади евра.
Во текот на вчерашниот ден, пак, преку блок трансакција беа продадени 3.170 акции, по цена од 3.170 денари за акција, што значи дека однапред познат купувач ја купил оваа количина акции за вкупна сума од 52 илјади евра.
А денеска помина блок со акциите на Комерцијална банка, во кој се продадоа а некој купи 80 акции, по цена од 29.200 денари за акција, што значи дека купувачот за оваа количина платил 38 илјади евра.
Н.Н.Ф.
