БАЛОН ИЛИ ДРОН: Што е тоа што леташе вчера над Ваљево?
Шефот на српската држава, Александар Вучиќ денеска даде повеќе информации за леталото кое вчера беше забележано над Ваљево.
Над Ваљево вчера е забележан непознато летало, поради што српското воздухопловство подигна два борбени авиони МиГ-29.
„Вчера тоа беше балон или голем шпионски дрон. Брзо ја напушти областа. Следниот пат треба да дејствува противвоздушната одбрана и да го собори леталото, па ќе утврдиме чие е“, изјави Вучиќ.
Тој најави и дека за набавката на борбени авиони Рафал ќе разговара со францускиот претседател Емануел Макрон за време на неговата претстојна посета на француската престолнина Париз.
„Ако не можеме да го добиеме Rafale, ќе добиеме нешто друго. Мораме да се грижиме за регионот. Како воено неутрална земја, треба да бидеме посилни за да можеме да ја зачуваме таа неутралност“, рече Вучиќ во Батајница.
Сили за контрола и заштита на суверенитетот на воздушниот простор на Република Србија откриле непознат авион над Ваљево, на надморска височина од 5.500 метри, потврди Министерството за одбрана.
При наведувањето на српските ловци до зоната на пресретнување, целта се изгубила од радарските екрани. Ловците продолжиле со летот во насока да ја пребараат зоната, според процедурата, со цел да ја потврдат состојбата. По проверките, на дежурната борбена двојка им беше наредено да се врати на матичниот аеродром. И соседно Косово се вооружува. Ова ја вознемири Србија.
