АЗЕРБЕЈЏАНИТЕ НУДАТ АМНЕСТИЈА: Дали Ерменците ја прифаќаат понудата
Раководството на Нагорно Карабах денеска соопшти дека е постигнат договор за пристигнување на хуманитарен конвој од Ерменија.
Советникот на претседателот на меѓународно непризнатата Република Карабах, Дејвид Бабајан изјави дека ситуацијата во сепаратистичкиот регион е тешка, луѓето се гладни, нема струја и има недостиг од гориво.
Во меѓувреме, советникот на азербејџанскиот претседател, Хикмет Хаџиев, вети дека Баку ќе се погрижи цивилите безбедно да патуваат со свои автомобили на патот што води од планинскиот регион кон Ерменија.
Баку предвидува амнестија за борците од Карабах кои ќе го положат оружјето. Сепак, некои веќе кажаа дека ќе продолжат да се спротивставуваат.
– Дури и кога станува збор за поранешни војници и борци, ако може да се класифицираат како такви, па дури и за нив предвидуваме амнестија или алудираме на амнестија. Ќе се почитуваат правата на Ерменците од Карабах во рамките на нивната интеграција во Азербејџан – рече Хаџиев и додаде дека тие побарале хуманитарна поддршка, како и снабдување со нафта и бензин.
Во регионот ќе бидат доставени три товари хуманитарна помош.
– Во моментов гледаме дека некои поединечни воени групи и офицери јавно изјавија дека нема да се согласат со нашите услови и ќе продолжат да даваат отпор. Но, ние не го гледаме како најголем проблем или голем безбедносен проблем. Секако дека ќе направат одредени проблеми, но не на овој начин, во поголеми размери – додаде Хаџијев.
Оваа недела, Азербејџан започна блицкриг во регионот и објави дека го вратил својот суверенитет над регионот откако властите во Карабах се предадоа.
