Автомобили со турски знамиња, победата на Ердоган се слави и во Скопје (ВИДЕО)
Победата на Ердоган се слави и во Скопје, регистрираше камера на 4NEWS.mk низ скопските булевари. Неколку автомобили со вклучени четири трепкачи, знамиња од Труција и звучни сигнали се движат низ главниот град.
Актуелниот претседател на Турција, Реџеп Таип Ердоган, им ја објави победата во вториот круг од изборите на своите гласачи во Истанбул и ја испеа својата победничка песна пред насобраната толпа.
Како што јавува Anadolu Agency, по обработката на 98 отсто од гласачките ливчиња, Ердоган освоил 52,09 отсто , а Кулчдароглу 47,91 отсто. Во првиот круг тие добија 49,52% односно 44,88%. Синан Оган, лидерот на десничарската коалиција Алијанса на предците, која доби 5,17 отсто во првиот круг, ги повика своите поддржувачи да гласаат за Ердоган во вториот круг во замена за договор со него.
„Ние ќе владееме со земјата во следните пет години“,им рече Ердоган на своите приврзаници од покривот на автобусот во неговиот роден кварт во Истанбул (пренесува ТРТ Хабер). „Со Божја помош ќе бидеме достојни за вашата доверба“, додаде претседателот. Тој го нарече резултатот од изборите во Турција „прослава на демократијата“.
Победата на Реџеп Тајип Ердоган му ја честитаа унгарскиот премиер Виктор Орбан, узбекистанскиот претседател Шавкат Мирзијоев, азербејџанскиот претседател Илхам Алиев, српскиот претседател Александар Вучиќ и шефот на либиската Влада на национално единство Абдел Хамид Дбеиба. На улиците на Истанбул и Анкара поддржувачите на Ердоган веќе ја слават неговата победа.
