АВСТРИЈА МОРАШЕ ДА ПРЕЗЕМЕ МЕРКИ, ПА ЗАТВОРИ ПАТИШТА: Хаосот на границите на оваа земја и го прават Унгарците, еве зошто „бегаат“ таму
Илјадници луѓе секојдневно патуваат од Унгарија до Австрија бидејќи таму се платени двојно повеќе. Повеќе од 120.000 Унгарци работат во соседната земја, главно во услужниот и трговскиот сектор.
Во последните недели е забележан зголемен сообраќај на граничниот премин Сопрон, а неколку патишта во Бургенланд се затворени за да се намали метежот.
Локалните власти соопштија дека патиштата се затворени за да се заштити мирот на граѓаните.
„Многу луѓе одат по кратенката низ селото“, рече еден локален жител.
Од австриска страна, се повеќе општини се обидуваат да спречат возила да се натрупуваат на улиците, па сообраќајните гранични премини се блокирани за да се спречи влез на автомобили во земјата.
На преминот меѓу Агфалва и Шатендорф, возачите добија инструкции да стават налепница на своето возило, која чини 160 евра, доколку сакаат да поминат.
Но, поради технички проблеми, ниту оние со налепницата не успеаја да ја поминат границата.
Затоа многу возила се натрупаа на патиштата во близина на границата, а оние кои работат во Шатендорф на крајот го продолжија своето патување пеш или со велосипед.
Како одговор, Меѓународната правна канцеларија и наложи на општината Шатендорф да им исплати отштета на Унгарците кои за да стигнат до своето работно место треба да пешачат повеќе од 30 километри.
Меѓутоа, барањето беше одбиено од првостепениот австриски покраински суд.
