Австралија ќе добие нуклеарни подморници: еве го планот од 245 милијарди долари
Лидерите на САД, Австралија и Велика Британија објавија детали за планот за обезбедување на Канбера со подморници на нуклеарен погон, објави Ројтерс.
Американскиот претседател Џо Бајден, австралискиот премиер Ентони Албанес и британскиот премиер Риши Сунак ги одобрија плановите за т.н. проектот AUKUS, кој беше објавен за прв пат во 2021 година. Трилатералната средба се одржа во американската поморска база во Сан Диего, Калифорнија, која е главно пристаниште за американската Пацифичка флота.
Според договорот, САД имаат намера да ѝ продадат на Австралија три подморници со нуклеарен погон од класата Вирџинија, изградени од General Dynamics на почетокот на 2030-тите, со опција да продадат уште две доколку е потребно.
Во изјавата на тројцата лидери се вели дека проектот ќе кулминира со производство на нова класа подморници, SSN-AUKUS. Тоа е модерна платформа која ги користи најдобрите технологии на САД, Велика Британија и Австралија. Програмата SSN-AUKUS ќе се заснова на дизајн на новата генерација на Британија, а подморниците ќе бидат изградени во Велика Британија и Австралија.
Претставник на австралиското Министерство за одбрана рече дека проектот ќе чини 245 милиони долари до 2055 година.
Бајден нагласи дека подморниците ќе бидат со нуклеарен погон, но не и со нуклеарно вооружување.
Британија има намера да ја изгради првата подморница SSN AUKUS кон крајот на 2030-тите. Австралија, од своја страна, планира да ја изгради својата прва подморница од оваа класа на почетокот на 2040-тите, се вели во соопштението на британската влада.
Бродовите ќе бидат изградени од BAE Systems и Rolls-Royce Holdings plc.
Договорот, исто така, предвидува американски и британски подморници да бидат стационирани во Западна Австралија за да помогнат во обуката на австралиските посади и „за одвраќање“, рече висок американски функционер.
Во заедничкото соопштение на трите земји се наведува дека предметните подморници ќе бидат распоредени на ротациона основа, почнувајќи од 2027 година најрано и постепено ќе го зголемуваат нивниот број на четири американски и една британска подморница.
Првата фаза од планот е веќе во тек, а подморницата со нуклеарен погон од Вирџинија, вооружена со крстаречки ракети, сега пристигна во близина на брегот на Перт.
Во рамките на AUCUS, Вашингтон ќе ја сподели технологијата за нуклеарен погон за прв пат од 1950-тите.
Пекинг го осуди AUCUS како нелегален чин на ширење на нуклеарното оружје. Покрај тоа, проектот предизвика големо незадоволство во Франција, бидејќи Австралија одеднаш го откажа договорот за купување француски конвенционални подморници.
Во петокот, советникот за национална безбедност на Белата куќа, Џејк Саливан, ја отфрли загриженоста на Кина и рече дека самиот Пекинг ја зголемува својата воена моќ, вклучувајќи ги и подморниците на нуклеарен погон. Тој додаде дека САД, Велика Британија и Австралија разговарале за AUCUS со кинеските власти и побарале повеќе информации за намерите на Пекинг.
