Атлетико Мадрид ја понижи Севилја (ВИДЕО)

Мадридските црвено-бели, кои триумфираа третпат во последните четири меча на Севилја ѝ покажа дека сезонава е очајна и дека ќе трепери за опстанокот до последно коло, а Алваро Мората и Мемфис Депај погодија по двапати, а Ентоан Гризман и Јаник Караско по еднаш за триумфот.

Сѐ почна на средина од првиот дел кога Депај за три минути даде два гола (23-та и 26-та), а Мароканецот Ен Несири намали во 39-та до паузата, но мадриѓаните во првата половина од вториот дел додадоа уште два, прво Гризман во 53-та, па Караско во 69-та и на сите маки на Севилја, Иван Ракитиќ утна пенал на 16 минути пред крајот, па Мората ги дотепа со два гола во десет минути (76-та и 86-та).

Севилја со овој 11-ти пораз остана на само 25 бода колку што има и Алмерија над опасната зона, но само еден од загрозениот Валјадолид, а два од Валенсија кои се дел од позициите што водат во Сегунда.