Астон Вила е хит на Премиер лигата – го надигра Сити и го помина на табелата (ВИДЕО)
Тимот од Бирмингем вечерва убедливо го надигра актуелниот англиски и европски првак Манчестер Сити и може да жали што победи само со 1-0. Статистиката покажува дека домашните фудбалери упатија 22 шута кон противничкиот, наспроти само два на Сити кој одамна не бил вака понижен и беспомошен на теренот. Големата доминација со погодок ја круниса Бејли во 74. минута иако мора да се знае дека имаше многу среќа бидејќи неговиот удар го погоди Диас и го измами Едерсон.
Со оваа победа, Астон Вила го помина Манчестер Сити и се искачи на третата позиција на табелата во Премиер лигата. Освен тоа, дојде до 14. триумф во низа на домашен терен, а во следното коло ќе го пречека Арсенал и ќе има шанса да му се доближи на само еден бод. За Сити ова беше четврти натпревар по ред без победа во првенството и сега заостанува шест бода во однос на лидерот.
Од останатите натпревари вечерва, Манчестер Јунајтед оствари исклучително важна победа со 2-1 во дербито против Челси, а Ливерпул остана во чекор со Арсенал откако го совлада Шефилд Јунајтед со 2-0
РЕЗУЛТАТИ
Брајтон – Брентфорд 2-1
Кристал Палас – Борнмут 0-2
Фулам – Нотингем Форест 5-0
Шефилд Јунајтед – Ливерпул 0-2
Астон Вила – Манчестер Сити 1-0
Манчестер Јунајтед – Челси 2-1
