Арсовска: Владата одвои 0 денари за 20 проекти на Град Скопје
Градоначалничката на Скопје, Данела Арсовска, ја обвини Владата дека не поддржала ниту еден од проектите предложени од Градот. Таа во статус на социјалните мрежи наведе дека Владата одвоила „0 денари“ за набавка на противпожарни возила, систем за рана детекција на пожари, како и за уште 18 други проекти наменети за, како што рече, доброто на граѓаните.
Арсовска истакна дека со ваквиот однос се блокираат иницијативи од значење за заштита и подобрување на квалитетот на живот во Скопје. „Градот не доби поддршка за ниту еден проект од централната власт,“ порача таа.
