Арсовска e во процес на формирање на политичка партија

Градоначалничката на Град Скопје, Данела Арсовска моментално е во процес на формирање на партија.

Таа ова го откри во емисија на ТВ21, а на прашањето за тоа дали таа би била лидер на оваа партија, не одговори конкретно, но истакна дека сака на граѓаните да им покаже дека може и подобро.

„Се додека се прават работи за задоволување на индивидуалните потреби на некои од политичарите, на некои од оваа корумпирана политичка елита, кај нас напредок нема да има. И ако можам јас сама, како индивидуалец, да покажам дека може поинаку, верувам дека со сите луѓе што ме поддржуваат, а голема е бројката на тие граѓаните, дека ќе може да покажам повеќе“, вели Арсовска.