Арсовска до Мицкоски: Не политизирај, не филозофирај, постапувај и апси, почни од Висар Ганиу, па макар и брат да ти е!!!
Град Скопје упати остро соопштение до лидерот на ВМРО-ДПМНЕ, Христијан Мицкоски, поради неговото, како што велат, недоволно ангажирање во справување со криминалните активности поврзани со дивоградбите во општина Чаир и соштите криминални дејствија на функционери на ДУИ.
„Ги спречуваме дивоградбите на Ганиу повеќе од три години, враќаме документи и постапуваме, но институциите не реагираат. Јавно прашуваме: Кој од криминалците на ДУИ ти ги расчисти и затвори додека си премиер? Дали си свесен дека Ганиу, Меџити и Адеми се функционери на ДУИ повеќе од 20 години?“, стои во соопштението.
Во текстот се потенцира дека 150 незаконски дивоградби во Чаир биле спречени да се легализираат и дека Град Скопје за тоа информирал и во 2023, 2024 и 2025 година. Исто така, се обвинува Мицкоски дека го брани Висар Ганиу, кој според Град Скопје бил фатен во криминал, вклучувајќи фалсификати за нелегални запишувања во катастарот.
„Дозволи Ганиу и Адеми да ми се закануваат и да ме заплашуваат заради разоткривање на криминалот. Ако не си вмешан, апси! Ако си, тогаш си соучесник“, предупредува градоначалникот.
Во соопштението се наведува дека докази за криминал има во изобилство и дека нема намера да се повлече, иако е изложен на притисоци и закани.
