![Арсенал и Сити сигурни, продолжува тесната борба за титулата (ВИДЕО)](https://novina.mk/wp-content/uploads/2024/04/223445-arsenal-i-siti-sigurni-prodolzhuva-tesnata-borba-za-titulata-video-850x560.webp)
Арсенал и Сити сигурни, продолжува тесната борба за титулата (ВИДЕО)
„Топчиите“ на домашен терен го совладаа 18-пласираниот Лутон со 2-0, а двата гола беа постигнати во првото полувреме. Отвори Одегард во 24. минута, додека конечниот резултат го постави Хашиока со автоголот на истекот на првиот дел.
Нешто поубедлив беше Манчестер Сити кој на крилјата на Фил Фоден ја победи Астон Вила со 4-1. Родри го начна противникот во 11. минута, Дуран израмни, а потоа почна шоуто на англискиот репрезентативец во дресот на Сити. Пред крајот на првото полувреме го врати својот тим во водство, а во 62. и 69. минута го комплетираше новиот хет-трик. Гвардиола ја искористи надмоќта на своите играчи за да ги одмори Халанд и Де Брујне кои воопшто не влегоа во игра.
Арсенал сега е лидер на табелата со 68 бода, зад него се Ливерпул и Сити со бод помалку, но „црвените“ од Енфилд имаат меч помалку – утрешниот против Шефилд Јунајтед.