ЈАПОНИЈА ПОВТОРНО ЈА ПОГОДИ РАЗОРЕН ЗЕМЈОТРЕС! Потресите не престануваат, луѓето итно се евакуирани

Серија силни земјотреси денеска ја погодија централна Јапонија.

Нов земјотрес ја погоди Јапонија откако наизменично се тресеше во текот на ноќта. Овој пат јачината на земјотресот е околу 7 степени.

Серија силни земјотреси денеска го погодија центарот на Јапонија, од кои најсилниот според првата проценка беше со магнитуда 7,4, предизвикувајќи значителни штети и цунами со плимни бранови повисоки од еден метар на места, додека населението во погодените зони беше повикано на евакуираат на повисоките места.

Пацифичкиот центар за предупредување од цунами (PTWC), американска агенција со седиште на Хаваи, подоцна соопшти дека заканата од цунами е „во голема мера елиминирана“. Јапонската метеоролошка агенција (ЈМА) забележа повеќе од 50 земјотреси со јачина еднаква или поголема од 3,2 степени во период од четири часа на полуостровот Ното, на север од префектурата Ишикава, на брегот на Јапонското Море.

Најсилниот земјотрес се случи во 16:10 часот (08:10 часот по средноевропско време) на североисточниот врв на полуостровот. Првично беше објавено дека е магнитуда од 7,4, но Геолошкиот институт на САД подоцна ја ревидираше јачината на 7,5, а Јапонската метеоролошка агенција ја ревидираше на 7,6.