Јапонија го започна второто испуштање вода од нуклеарната централа Фукушима
Јапонија ја започна втората фаза на испуштање на прочистената отпадна вода од оштетената нуклеарна централа Фукушима во Тихиот Океан, откако првата фаза меѓу 24 август и 11 септември не ги надмина утврдените нивоа на безбедно загадување.
Втората фаза од испуштањето, која започна утринава, се очекува да продолжи до 23 октомври, јавуваат јапонските медиуми.Вкупно, во океанот ќе бидат испуштени 7.800 тони вода, речиси исто количество како и во првиот период. . Дневно ќе се испуштаат 460 тони вода.
Операторот на оштетената нуклеарна централа Фукушима, ТЕПКО, планира да ја ослободи водата складирана во резервоари откако ќе се прочисти преку посебен систем преку тунел кој достигнува 1 километар во океанот. Со чистењето се отстранети 62 видови радиоактивни материи, освен тритиумот, кој може да се намали на меѓународно прифатени безбедни нивоа со разредување со морска вода.
Јапонската влада, властите на префектурата Фукушима и ТЕПКО редовно ја анализираа концентрацијата на тритиум во морската вода и рибите околу нуклеарната централа од почетокот на првото испуштање и не пријавија никакви отстапувања.
