Англија не е веќе стопроцентна, Украина извади реми во Вроцлав! (ВИДЕО)
Закоравениот Герет Саутгејт, против сите реакции од јавноста, извади „конзервативен“ состав, со Мегваер во првата постава, со Хендерсон во средниот ред, иако игра во Саудиска Арабија и со Белингем како лево крило. И покрај тоа, Англија беше подобар тим на теренот, но Украинците беа тие кои поведоа, преку Зинченко, во 26. минута.
Harry Maguire showing his skills again after perfecting them at Manchester United,don’t blame Southgate.Maguire to the world 😂😂.He should now enter world Guinness book of records.
Speed, Moroccan, England, thug, simp, Mudryk, Ukraine, Saka, Bellingham, Sasha Obama pic.twitter.com/JsBq2Ey2iT
— 🌎🏞️ YOBBY THE FIRST (@Obayobrian1) September 9, 2023
Водството траеше 15 минути, а потоа Кејн, со „бекамовско“ додавање од средината на теренот го проигра Вокер, кој ја најде целта и изедначи на 1-1. Ова беше прв гол за Кајл Вокер во репрезентацијата на Англија, со што стана 450. различен фудбалер кој постигнал гол во националниот дрес и играч кој најдолго чекал за првиот погодок – 77 меча. Рашфорд, Фоден и Галагер до крајот на мечот влегоа во англискиот состав, но освен иницијатива и шанси, не донесоа ништо друго.
Англија досега имаше максимални четири победи, сега со првото реми има 13 бода на водечката позиција во нашата група Ц. Украинците се втори со 7, Италија и Македонија, пред да го одиграат својот меч, имаат по три. Малта е последна без бодови.
Во истиов термин, Шведска ја совлада Естонија на гости со 5-0, а Андора и Белорусија одиграа 0-0.
Harry Kane x Kyle Walker
What could’ve been… pic.twitter.com/gz9Imosna5
— NK1 (@RoyalKimmich) September 9, 2023
