Ангелевска до Таравари: Не го копирај Груби, пред една година кога ВМРО-ДПМНЕ ти даде поддршка на изборите не беше антиалбанско и антиевропско?
„Заев ветуваше дека кога ќе дојдете на власт јавниот обвинител ќе биде од опозицијата. Тоа зборува за вашите двојни аршини.Што се однесува до биографиите на предложените кандидати ги погледнав биографиите на поединечните кандидати меѓутоа немам намера да ги коментирам. Од една едноставна причина биографиите на кандидатите и нивните менаџерски способности и кога ќе се веќе на функција апсолутно не им значат ништо на оваа власт моментално а вие од Алијанса ќе се уверите во иднина. Најдобриот најпаметниот да биде ако најдат некои интереси повторно еден пратеник да им треба плус ќе ги наречат неспособни нечесни, неработливи, неодговорни и тн. Ништо не им значи“, нагласи Анелевска.
Ангелевска упати порака и до Таравари каде што кажа дека залудни се обвинувањата дека ВМРО-ДПМНЕ е антиалбанско кога пред само една година му дала поддршка на изборите, тогаш за него била и проалбанска и проевропска партија.
„Не биле задоволни од Тупанчевски , не биле задоволни од Насер Нуредини, од Алити, од Чупи, така вели денес Таравари. Овие денови првиот вицепремиер користи реторика „антиалбански“ кога ќе се обвини дека нешто не работи или криминали, и тоа истото гледам го пресликува и Таравари. Па еве нека ме слушне од тука нека не се крие ниту зад ВМРО-ДПМНЕ, ниту ВМРО-ДПМНЕ е антиалбанско бидејќи само пред една година членовите на ВМРО-ДПМНЕ му дадоа поддршка и тогаш беа проевропски? Тогаш беа албански сега се антиалбански, па не си играјте на таа карта ве молам и му порачувам од овде на Таравари да не го копира Груби, бидејќи вие го спасувате Груби. Го спасувате од неговата партија од ДУИ. Гледаме колку е испаничен јасно му е дека веќе му се тресе столчето во сопствената партија“, кажа Ангелевска.
