Американците го комплетираа најлошиот дрим-тим во последните 30 години!
Според добрите познавачи, Американците ќе играат не со најдобриот или со вториот, туку можеби и со третиот и четвртиот најдобар тим кој може да го направат во моментов, покажувајќи дека не се премногу заинтересирани за Мундобаскетите. Челниците на оваа репрезентација денеска го објавија списокот на целата репрезентација, во која нема буквално ниту една голема ѕвезда од НБА. Бекот на Њујорк никс, Џош Харт, е последните кошаркар кој доби повик за настап на СП, со што им се приклучи на претходно ангажираните Тајрис Халибуртон, Џејлен Брансон, Ентони Едвардс, Остин Ривс, Микел Бриџис, Кем Џонсон, Брендон Инграм, Паоло Банкеро, Џерен Џексон јуниор, Боби Портис и Вокер Кеслер.
Ова се кошаркарите кои ќе ја бранат честа на САД, но експертите велат дека е ова состав за кој успех би бил било каков медал. Најдобриот светски собир почнува на 25 август, а ќе заврши со финалето на 10 септември во Манила.
