АлтернАтивА: Пресудата на Врховниот суд за случајот „Монструм“ ја запечатува судбината на Албанецот осуден во монтирани процеси
Вчерашната пресуда на Врховниот суд со која се потврди пресудата на Апелациониот суд за казните изречени на Албанците осудени пред неколку години во процес кој јавноста и понатаму го смета за монтиран случај, уште еднаш го потврдува нашиот став, кажувајќи многу пати, дека правосудниот систем во Северна Македонија ги казнува незаштитените лица и ги наградува моќните криминалци. Доказ за тоа беше забрзаното усвојување на Кривичниот законик, со кој го спасија Никола Груевски и многу криминалци како него, истата цел го има и Предлог-законот за амнестија со кој се амнестираат некои криминалци кои и се потребни на власта за да вршат насилство и изборни малверзации.
Овде сакаме да потсетиме дека АлтернАтивА беше првата партија во политичката историја овие години која во својот договор за заедничко владеење, во ноември 2021 година, ја постави и целта на обелоденување на монтираните случаи со цел да упати писмо до Европската комисија за да испрати тим на вештаци да ги истражат тие случаи.
Меѓутоа, јавноста знае дека СДСМ го прекрши договорот, а Алијанса за Албанците, која дојде на власт по нас – иако го има Министерството за правда и повеќе од кој било ги злоупотреби членовите на семејствата за случајот „Монструм“ – дури ни не го спомна веќе овој случај. Дополнително, кога излеговме од владата, премиерот Ковачевски лансираше уште една лага, дека писмото за Европската комисија во врска со овие случаи ќе го испрати до ЕК, затоа што наводно така се договорил со пратеник Албанец кого власта го има заведено. Иако знаевме
дека е измама, ние ја поздравивме и при таа прилика побаравме од премиерот да го одржи ветувањето, но поминаа скоро 9 месеци и оваа тема
ја премолчуваат и премиерот, но и пратеникот кој се продаде на власта.
Се разбира, кој е на продажба, не може да брани ниту една кауза. Како и
да е, АлтернАтивА изразува жалење што Албанците кои лежат во затвор
заради случајот „Монструм“ продолжуваат да издржуваат доживотна казна
затвор, истовремено кога имаме министер за правда кој ги спасува
криминалците и во времето кога премиерот прави акшам-пазари со
пратениците Албанци, исто така исмејувајќи се со апсените Албанци во
монтираните случаи. И покрај ова, АлтернАтивА продолжува да смета дека
сè уште е можно да се редефинира правосудниот систем, а тоа го докажавме
со доставување на интерпелација за јавниот обвинител Љубомир Јовески, за
која очекуваме претседателот на Собранието да закаже собраниска седница.
