Алкараз е во ужасна форма, елиминиран уште во второто коло во Париз!

Вториот светски рекет „беше преслушан“ од Роман Сафјулин од Русија, 45. на АТП-листата со 6-3, 6-4. Ова доаѓа откако загуби во третото коло на мастерсот во Шангај, а претходно во Пекинг беше елиминиран во полуфиналето, што посочува на евидентен пад во формата, кој и не е така редок кај тенисерите во овој период од сезоната.

Сега му претстои финалниот АТП-турнир во Торино, од 12 до 19 ноември, на кој се игра во групен формат, во конкуренција на уште седум најдобри тенисери во календарската година.

Што се однесува до Сајфулин, тој ја оствари победата на кариерата и сега во третото коло ќе игра против сонародникот Карен Хачанов, кој денеска го совлада Ласло Ѓере од Србија со 6-4, 7-5.