„АЛКАЛОИД“ СО ОБЈАВА ДО АКЦИОНЕРИТЕ – да се достават податоците за сметките, следува дивиденда

Нашиот фармацевтски гигант „Алкалоид“ денеска преку Берзата испрата важна вест до акционерите на компанијата. 

Имено „Алкалоид“ АД Скопје ги известува своите акционери дека почнувајќи од 17.05.2023 година
ќе врши исплата на дивиденда за 2022 година. 

„Право на исплата на дивиденда за 2022 година имаат сите акционери на АЛКАЛОИД АД
Скопје кои се евидентирани во книгата на акции на ден 20.04.2023 година.
Се повикуваат сите акционери (физички и правни лица) со право на дивиденда за 2022 година,
кои немаат доставено податоци за своите трансакциски и жиро сметки да се јават во друштвото
најдоцна до 12.05.2023 година, на телефонскиот број 3104-252 – Реферат акционерство и
имотни прашања“, се вели во објавата од компанијата која е испратерна до акционерите преку Македонската берза.