„АЛКАЛОИД“ СЀ ПОБЛИСКУ ДО ЕВРОПА: Компанијата регистрираше ново друштво во Хрватска, осми по ред правен субјект основан во земја членка на ЕУ
Нашата најголема фармацевтска компанија „Алкалоид“ има навистина убава вест за споделување, а неа ја објави до инвеститорската јавност преку Македонската берза за долгорочни хартии од вредност.
Имено, „Алкалоид“ неодамна регистрираше ново друштво во Хрватска, кое ќе биде 100 отсто во негова сопственост, а е осми по ред отворен субјект на „Алкалоид“ отворен во земја членка на Европската унија.
Еве што објави компанијата до Берзата како ценовно чувствителна информација.
„АЛКАЛОИД АД Скопје регистрираше ново друштво во Хрватска, со назив
АЛКАЛОИД ФАРМА ИНТЕРНАЦИОНАЛ ДОО Загреб. Друштвото е во 100 отсто сопственост на АЛКАЛОИД АД Скопје.
Имајќи предвид дека 69 отсто од пласманот на производите на компанијата се
наменети за извоз, од исклучително значење е присуството на производствената
програма на пазарите во ЕУ, како и проширувањето на нови пазари. Во таа
насока, новоотворениот правен субјект е осми по ред кој е основан во рамките на
земјите членки на Европската Унија.
Со ваквиот потег АЛКАЛОИД продолжува во насока на остварување на својата
главна стратешка определба, за развој во деловните контури на извозно
ориентирана компанија со стабилна пазарна позиција“, се вели во објавата на нашата најголема фармацевтска компанија до Берзата.
