„Аларм“ во енергетиката: Грчките блокади го стопираа мазутот – ЕСМ бара кризна состојба и чепкање во државните резерви
Електрани на Северна Македонија (ЕСМ) поднесоа итно барање до Владата за прогласување на кризна состојба на пазарот со електрична енергија. Причината за ваквиот чекор е надворешен фактор – секојдневните блокади на грчките земјоделци кои целосно го отежнаа, а на моменти и прекинаа снабдувањето со мазут, кој е клучен енергенс за домашните капацитети.
Во писмото испратено до „Илинденска“, ЕСМ бара дозвола за користење на државните стокови резерви за да се обезбеди континуитет во производството на струја и топлинска енергија.
Од Владата за ТВ Сител потврдија дека дописот е пристигнат и е ставен на приоритетната листа.
Дека состојбата е сериозна и бара надпартиски консензус, потврди и пратеникот на ВМРО-ДПМНЕ и претседател на Комисијата за енергетика, Бојан Стојаноски. Тој во емисијата „Тема на денот“ најави дека доколку Владата прогласи кризна состојба, Парламентот ќе ја одобри.
Енергетската неизвесност во Македонија е директна последица на хаосот кај јужниот сосед. Веќе трета недела, илјадници грчки земјоделци држат под блокада клучни автопати и гранични премини преку кои се одвива транспортот на енергенси.
Во моментов активни се над 60 блокади, а земјоделците најавуваат радикализација. Нивните барања вклучуваат:
