„АКО МЕКДОНАЛДС ОДЛУЧИ ДА СЕ ВРАТИ, НЕМА ДА МУ ПРОСТИРАМЕ ЦРВЕН ТЕПИХ“: Путин вели „избегаа, сега сакаат да се вратат“
Русија нема да „простира црвениот тепих“ за McDonald’s ако компанијата одлучи да се врати во Русија, изјави Владимир Путин на состанок со бизнисмени во Кремљ.
„Тие (McDonald’s) ги доведоа сите во тешка позиција, избегаа, а сега, ако сакаат да се вратат, дали треба ние да им го простираме црвениот тепих? Секако дека не. Разговарав со моите колеги и веќе ѝ наложив на владата да развие рамка за евентуално враќање на компаниите кои сакаат повторно да влезат на рускиот пазар – мирно и без никакво непријателство, имајќи предвид дека најважно е да се заштитат интересите на нашите компании“, нагласи рускиот претседател.
Тој разговараше со Олег Пароев, извршен директор на рускиот синџир за брза храна Vkusno и Tochka, руската верзија на McDonald’s. Го праша дали неговите „не многу совесни партнери“ кои ја напуштија Русија во 2022 година имаат право да ја откупат компанијата. Доби потврден одговор.
„Мекдоналдс“ го напушти рускиот пазар во 2022 година
„Заедно со вас, ќе разработиме сè, ќе размислиме до последниот детаљ. Но само за наша корист“, објави Путин. Тој тврди дека некои големи компании што работат во други сектори на економијата веќе му се обратиле и рекле дека нивните странски партнери посочиле дека сакаат да се вратат.
„Јас одговорив – нека се вратат, но нека биде по ваши услови. Ако ви одговара, нека се вратат. Ако ви одговара, слободно, ако не, ќе го средиме. Тоа е тоа“, нагласи тој.
„Мекдоналдс“ одлучи да го напушти рускиот пазар во 2022 година, продавајќи ја компанијата на рускиот претприемач Александар Говор, кој беше франшизен партнер на „Мекдоналдс“ од 2015 година.
