АКЦИЈА „НАБЕРИ САМ“: Бугарските овоштари ги пуштаат луѓето да берат цреши во овоштарниците
Во Бугарија нема кој да ги бере црешите, a овоштарите бидејќи се очајни најавија кампања „Набери сам“.
Акцијата за берење вишни зема замав и овоштарите од ќустендилско ги отвораат своите овоштарници за посетителите кои сакаат да дојдат на лице место и да ги берат плодовите. Поранешниот директор на Институтот за овоштарство во Ќустендил, проф. Димитар Домозетов и сопственик на 120 декари овошни насади, веќе втора година ја води акцијата „Набери сам“.
„Гостите влегуваат во бавчите, берат колку што им треба, потоа плодовите се мерат на вага. Нема да мериме кој колку може да јаде“, изјави професорот за „Бугарија он ер“.
Цените се симболични – 1 лев за килограм, наспроти тоа што го нудат трговците во големите градови – 13-14 лева за килограм. Целта на овоштарите не е само да ги продаваат своите производи, туку и да им донесе задоволство на Бугарите, да вкусат вистинско овошје од градината и да видат дека бугарските цреши се повкусни од увезените од Грција и Турција.
foto freepik.com/asmedvednikov
