Јахоски иако осомничен си доби времен пасош, па си прошета до Истанбул!
Асмир Јахоски, сопственикот на „Пуцко петрол“ и осомничен во истрагата за злоупотреба со набавка на мазут за ТЕЦ Неготино вредна над 160 милиони евра, изминативе денови патувал надвор од државата со патна исправа со ограничен рок на важење, потврдиле од МВР.
Според информациите, Јахоски ја напуштил територијата на државата преку Граничниот премин Богородица на 30 мај, а се вратил денес, на 2 јуни, преку истиот премин. Патувал со патна исправа издадена по одлука на Апелациониот суд Скопје донесена на 29 мај, која дозволува издавање на документ со ограничен рок.
Откако се вратил во земјава, Јахоски утрово се пријавил во Кривичниот суд Скопје, со што ја исполнил мерката за редовно јавување – дел од определените мерки на претпазливост.
Од владејачката ВМРО-ДПМНЕ реагираа дека Јахоски, осомничен за перење пари и нанесување штета на буџетот од 167 милиони евра, моментално уживал во Истанбул, додека за него важат мерки како домашен притвор и редовно пријавување во судот. Партијата обвинува дека системот е нефункционален и правдата селективна.
На 6 мај, Апелациониот суд Скопје ја уважи жалбата на одбраната на Јахоски и ја преиначи мерката притвор во парична гаранција од околу 986.540 евра, односно преку хипотека и готовински средства во вкупен износ од над 132 милиони денари.
Дополнително, му беа изречени мерки на претпазливост, меѓу кои:
Но, по жалба, Апелациониот суд му дозволил издавање привремена патна исправа, иако тие самите, не издаваат документи, туку ја донеле одлуката во рамки на жалбената постапка.
Асмир Јахоски е дел од поширока истрага што вклучува и други осомничени, меѓу кои:
Истрагата се однесува на сомнителни набавки на мазут за ТЕЦ Неготино во време на енергетската криза, кои според обвинителството, биле изведени со фалсификувани податоци за потекло и квалитет, со што државата е оштетена за огромни суми пари.
